தேவையான பொருட்கள்
- வெண்டைக்காய் – 1 /2 கிலோ
- பெரிய வெங்காயம் – 1
- தக்காளி – 2
- வெந்தயம் – 1/2 தேக்கரண்டி
- மல்லித்தூள் – 4 தேக்கரண்டி
- மிளகாய்த்தூள் – 2 தேக்கரண்டி
- மஞ்சள்தூள் – 1/2 தேக்கரண்டி
- புளிக்கரைசல் – 2 மேசைக்கரண்டி
- தேங்காய் விழுது – 3 மேசைக்கரண்டி
- நல்லெண்ணெய் – 3 மேசைக்கரண்டி
- உப்பு – தேவையான அளவு
செய்முறை
கடாயில் எண்ணெய் ஊற்றி வெந்தயம் சேர்த்து தாளிக்கவும். பின் வெங்காயம் சேர்த்து 5 நிமிடங்கள் வரை வதக்கவும். பின் தக்காளி சேர்த்து நன்கு மசியுமாறு வதக்கவும். பின் மஞ்சள்தூள், மிளகாய்த்தூள், மல்லித்தூள், நறுக்கிய வெண்டைக்காய் சேர்த்து 10 நிமிடங்கள் வதக்கவும். பின்னர் புளிக்கரைசல் மற்றும் 11/2 கப் தண்ணீர் சேர்த்து மூடி போட்டு வெண்டைக்காய் வேகும் வரை நன்கு வேக விடவும். கடைசியாக தேங்காய் விழுது சேர்த்து 5 நிமிடங்கள் கொதிக்க விட்டு இறக்கி வைக்கவும். வெண்டைக்காய் புளிக்குழம்பு சாதம் மற்றும் சப்பாத்தியுடன் சாப்பிடுவதற்கு நன்றாக இருக்கும்.
